ممبئی (شوبز ڈیسک)بالی ووڈ کی ”ڈمپل گرل“ اداکارہ پریتی زنٹا نے کہا ہے کہ ان کی زندگی میں کبھی کسی نے ان کے ساتھ برا رویہ اختیار نہیں کیا‘ می ٹو مہم کو زیادہ تر اپنے مفاد کے لئے استعمال کیا جارہا ہے۔ بھارتی میڈیا رپورٹس کے مطابق پریتی زنٹا سے جب بالی ووڈ میں می ٹو مہم سے متعلق سوال پوچھا گیا تو اداکارہ کا کہنا تھا کہ بالی ووڈ میں می ٹو مہم کا آغاز ہونا ایک اچھا عمل ہے اگراسے اپنے حق کے لیے استعمال کیا جائے لیکن ایسے مرد اورخواتین دونوں ہی انڈسٹری میں ہیں جو اس مہم کواپنے فائدے اورطاقت کے لیے بھی استعمال کررہے ہیں جس کی وجہ سے یہ مہم کمزوربھی پڑرہی ہے۔، انڈسٹری میں ایسے بہت کم لوگ ہیں جواسے صحیح مقصد کے لیے استعمال کررہے ہیں۔ اداکارہ سے جب اس متعلق پوچھا گیا کہ کیا وہ کبھی کسی کے بھی برے رویے کا شکارہوئی ہیں تو اداکارہ نے ہنس کر جواب دیا کہ کاش ایسا ہوتا، میں کبھی بھی کسی کے برے رویے کا شکارنہیں ہوئی۔ لوگ آپ کے رویہ کے ردعمل میں اس طرح کا برتاﺅ کرتے ہیں۔
