فیصل آباد (خصوصی رپورٹ)22 اکتوبر کو ملک بھر میں یوٹیلیٹی سٹورز پر مکمل شٹر ڈاﺅن کرنے کا اعلان کردیا گیا ہے۔ آل پاکستان ورکرز یونین (سی بی اے) یوٹیلیٹی سٹورز کارپوریشن کے وائس چیئرمین شہاب الدین نے کہا کہ موجودہ حکومت بھی سابق حکومت کی طرح یوٹیلیٹی سٹورز کارپوریشن کو چلانے میں سنجیدہ نظر نہیں آتی جس کی واضح مثال مشیر وزارت وصنعت و پیداوار برائے وزیراعظم اور سیکرٹری وزارت صنعت وپیداوار کی ہدایت پر یوٹیلیٹی سٹورز کارپوریشن پر اشیاءکی خریداری پر پابندی لگانا ہے۔ سی بی اے کو دوبار ملاقات کا وقت دینے کے باوجود مشیر صنعت وپیداوار نے ملاقات نہیں کی۔ تحریری مو¿قف کا بھی جواب نہیں دیا گیا، اس لئے احتجاج کے علاوہ دوسرا راستہ نہیں بچا۔
