ممبئی(ویب ڈیسک) بالی ووڈ کے دبنگ اداکار سلمان خان کی فلم ”بجرنگی بھائی جان“ کو چین میں کامیابی کے بعد ترکی میں بھی ریلیز کردیا گیا۔ بالی ووڈ فلموں کے لیے بھارت کے بعد چین بھی ایک بڑی انڈسٹری بن گئی ہے جہاں مداح سماجی مسائل پر بننے والی فلموں کو بے پناہ پسند کرتے ہیں یہی وجہ ہے کہ آج کل بالی ووڈ کے نامور اداکار اپنی فلم کو بھارت کے بعد چین میں بھی ضرور ریلیز کرتے ہیں۔سلمان خان نے بھی اپنی فلم ”بجرنگی بھائی جان“ کو چین میں ریلیز کیا تھا جس نے کامیابی کے جھنڈے گاڑتے ہوئے بھارت سے زیادہ بزنس کیا اور گزشتہ ہفتے ہی انہوں نے اپنی بلاک بسٹر فلم ’سلطان‘ کو بھی چین میں ریلیز کیا تھا۔رپورٹ کے مطابق اب سلمان نے ایک اور انڈسٹری کا رخ کرلیا ہے۔بالی ووڈ کے سپر سٹار سلمان خان نے اپنی فلم ”بجرنگی بھائی جان“ کی چین میں کامیابی کے بعد ترکی میں بھی ریلیز کرنے کا فیصلہ کیا جو درست ثابت ہوا اور ترکی میں بھی ان کی فلم کو بے حد پسند کیا گیا جب کہ مداحوں کی جانب سے سلو میاں کی اداکاری کو بھی سراہا گیا۔
