لاہور(شوبزڈیسک)اداکارہ مہوش حیات اور فہد مصطفےٰ کی فلم ”لوڈ ویڈنگ “کا نیا گیت ” گڈ لک “ بھی شائقین کی توجہ حاصل کرنے میں کامیاب ، فلم عید الاضحی کے موقع پر نمائش کی جائے گی ۔پنجاب کے سر سبز کھیتوں میں فہد مصطفے اور مہوش حیات پر فلمائی گئی گیت کی ویڈیو کامیابی کے جشن کی عکاسی کرتی ہے ۔ ڈسٹری بیوشن کلب کے زیر اہتمام عید قربان پر نمائش ہونیوالی فلم ” لوڈ ویڈنگ“ کا نیا گیت ” گڈ لک“ریلیز ہوتے ہی سوشل میڈیا پر ہٹ ہوگیا ہے۔محسن عباس حیدر کے تحریر کردہ گیت نامور سنگر اسرار اور تحریم منیبہ کی آواز میں موسیقار شانی حیدر نے نہایت مہارت سے کمپوز کیا ہے جبکہ ڈائریکٹر نبیل قریشی ہیں ۔تجزیہ نگاروںکے مطابق عام فہم شاعری اور پنجابی میوزک سے بھرپورگیت” گڈلک“فلم کی ریلیز کے بعد مزید مقبولیت حاصل کرے گا۔دوسری جانب” لوڈ ویڈنگ“ کی سٹار کاسٹ پنجاب کے مختلف شہروں میں فلم کی تشہیرمیں مصروف ہے ۔ فہد مصطفے ، مہوش حیات، پروڈیوسر فضا علی میرزا اور ڈائریکٹر نبیل قریشی نے 71ویں جشن آزادی کا کیک فیصل آباد میں کاٹا اور لاہور، گوجرانوالہ ، اسلام آباد کے سنیماﺅں اور شاپنگ مالز میں بھی فلم کے تشہیری پروگراموں میں حصہ لیا ۔ پریمئیر شوز کے حوالے سے انتظامات کو حتمی شکل دےدی گئی ہے ۔