لاہور (شوبزڈیسک)ڈائریکٹر ‘ اداکار اور رائٹرنسیم وکی کے تماثیل تھیٹر میں عید کے ڈرامہ ”عاشق رنگ باز نکلا “کی عید کے دنوں میں زبردست پذیرائی۔ تفصیلات کے مطابق نسیم وکی کے عید الفطرکے ڈرامہ” عاشق رنگباز نکلا“نے عید پر ریکارڈ بزنس کیا ہے۔ جس کی وجہ سے ان کو ڈرامہ کی کامیابی پر مبارکبادو ںکا سلسلہ شروع ہو ا۔مداحوں نے رش کے باعث کھیل کو کھڑے ہو کر بھی دیکھا ۔ اس موقع پر اداکار اور ڈائریکٹر نسیم وکی نے کہا کہ و ہ ہمیشہ بامقصد کامیڈی سے سجا ڈرامہ لے کر آتے ہیں جس وجہ سے لوگ ان کے نئے ڈرامہ کا انتظار کر رہے ہوتے ہیں اور میں مداحوں کا مشکور ہوں جنہوں نے میرے کھیل کو پسند کیا۔ تماثیل تھیٹر کے چئیر مین قیصر ثنا ءاللہ خان نے کہا ہے کہ ڈرامہ شائقین کیلئے سکیورٹی کا انتظام اور ائیر کنڈیشنڈ نے ماحول کو پرلطف بنا دیا ہے۔اس ڈرامہ کی ٹکٹیں ایک روز پہلے ہی فروخت ہو جاتی ہیں۔
