لاہور(شوبزڈیسک)اداکارہ ماہرہ خان ساتھی فنکاروں کے ہمراہ فلم سات دن محبت ان کی تشہیری مہم میں حصہ لینے کے لئے لاہور پہنچ گئیں۔فنکاروں نے گزشتہ روزمختلف شاپنگ مالزکا دورہ کیااوراپنے پرستاروں کے ساتھ سیلفیاں بنوائیں۔تشہیری مہم میں حصہ لینے والے فنکاروں میں شہریار منور،آمنہ الیاس اورمیرا سیٹھی بھی شامل ہیں۔ماہرہ خان اور شہریار منور نے میڈیاسے گفتگو کرتے ہوئے کہا کہ ہمارے معاشرے میں محبت کو فروغ دینے کی اشد ضرورت ہے اسی موضوع کوفلم میں اجاگرکیاگیا ہے۔یہ صرف لوسٹوری نہیں ہے بلکہ اس میں ایک پیغام بھی ہے۔ ماہرہ خان کاکہناتھا میں نے کسی فلم میں پہلی بار کامیڈی کی ہے اور مجھے بہت اچھا لگا ۔مداح اب نہ صرف وہ مجھے ہنستے ہوئے دیکھیں گے بلکہ میں بھی انہیں ہنساﺅں گی۔
\
