لالیاں(نمائندہ خبریں)مقدمہ قتل میں گرفتار کروانے کے شک پر جیل سے رہا زمیندار مجرم نے ساتھیوں سے مل کر محنت کش عورت کے بال مونڈ دیے۔ دو ساتھی گرفتار۔تفصیلات کے مطابق تحصیل لالیاں کے گاﺅں سردارے والا علاقہ تھانہ محمد والا کے رہائشی زمیندار اکرم بھٹی نے رضیہ بی بی زوجہ صابر مراثی کو اپنے گھر بلوا کر تشددکا نشانہ بنا ڈالا اور اپنے ساتھیوں عظمت اور احسان سے مل کر متاثرہ خاتون کے سر پر کیمیکل لگا کر اس کے سر کے بال بھی مونڈ ڈالے۔وجہ عناد یہ بیان کی جاتی ہے کہ ملزم اکرام بھٹی 20 سال قبل ایک مقدمہ قتل میںم فرور تھا اور دو سال قبل مخبر ی پر گرفتار کر لیا گیا تھا اور ملزم کو شک تھا کہ یہ مخبری صابر نے کی تھی جس کا بدلہ لینے کے لیے ملزم نے صابر کی اہلیہ کو دھوکہ سے بلوا کر ساتھیوں سمیت ظلم کا نشانہ بنایا۔پولیس تھانہ محمد والا نے اطلاع پر کاروائی کرتے ہوئے ملزم اکرم کے ساتھیوں عظمت اور احسان کو گرفتار کر لیا ہے جبکہ اکرم بھٹی کی گرفتار کے لیے چھاپے مارے جا رہے ہیںاور مزید کاروائی عمل میں لائی جا رہی ہے۔
