لندن (ویب ڈیسک ) ٹیکنالوجی کے مختلف ماہرین نے کہا کہ اگلی نسل کے سمارٹ فون لیزر کے ذریعے دیواروں کے پار دیکھنے کے قابل ہوسکیں گے انکے مطابق چہرہ پہچاننے اور سلوموشن ویڈیو بنانیوالے کیمرے تو صرف شروعات ہیں۔ کمپیوٹر پروگرام اور الگورتھم سے کیمرے کی صلاحیت حیرت انگیز طور پر بڑھ چکی ہے ۔ بہت جلد کیمرے انسانی جسم میں جھانکنے ، دیوار کے آرپار دیکھنے اور دھویں میں دیکھنے کے قابل ہوسکیں گے ۔ اگر ان کیمروں کو سمارٹ فون میں لگادیا جائے تو ان سے باقاعدہ جاسوسی کا کام لینا آسان ہوجائیگا۔ ان میں سے ایک ایجاد سنگل پکسل کیمرہ ہے جو بہت سادہ اصول پر کام کرتا ہے ۔ سنگل پکسل عمل میں روشنی کے ایک ماخذ (سورس) کی مدد سے روشنی دینے والے کئی ماخذات (سورسز) کی معلومات اور ڈیٹا کو جمع کیا جاسکتا ہے لیکن اس عمل میں سنگل پکسل کو بار بار کئی مقامات پر ڈالنا ہوگا تاکہ وہاں سے منعکس ہونیوالی روشنی جمع ہوتی رہے اور دھیرے دھیرے پورا منظر تخلیق کیا جاسکے لیکن ایسے کیمرے گہرے دھویں اور مکمل اندھیرے میں دیکھنے کے قابل بھی ہونگے ۔
