اسلام آباد (خصوصی رپورٹ) سابق وزیرداخلہ چودھری نثار کو مسلم لیگ (ن) کا صدر بنائے جانے پر دو بڑوں میں اتفاق ہوا ہے اور اس ضمن میں جلد ہی اعلان متوقع ہے ۔ ذرائع کاکہنا ہے کہ اس ضمن میں گزشتہ روز پنجاب ہاﺅس میں ایک اہم میٹنگ ہوئی جس میں سابق وزیراعظم نواز شیف سابق وزیرداخلہ چودھری نثار اور مسلم لیگ (ن) کے چیئرمین راجہ ظفرالحق بھی شامل تھے۔ اور ذرائع کا کہنا ہے کہ اس اہم میٹنگ کے بعد ہی چودھری نثار سابق وزیراعظم نواز شریف کی پریس کانفرنس میں شمولیت پر رضامند بھی ہوئے اور پریس کانفرنس میں بھی انکے چہرے پر اطمینان اور باڈی لینگوئج بھی کافی تبدیل تھی۔ ذرائع کا کہنا ہے کہ دوسری طرف الیکشن کمیشن نے بھی مسلم لیگ (ن) کو صدر منتخب کرنے کا نوٹس جاری کیا ہے۔
