اسلام آباد (اے پی پی) ڈیجیٹل ورلڈ پاکستان (ڈی ڈبلیو پی) نے چیمپئن ٹرافی 2017ءمیں شاندار کارکردگی پر کرکٹ سٹار محمد حفیظ کو انعامات سے نوازا۔ چیمپئن ٹرافی 2017ءرواں سال جون میں منعقد ہوئی جس میں پاکستان نے پہلی مرتبہ فائنل میچ میں بھارت کو شکست دے کر ٹرافی جیتی۔ ڈیجیٹل ورلڈ پاکستان (ڈی ڈبلیو پی) نے تعریف کے طور پر کرکٹ سٹار محمد حفیظ کو ٹورنامنٹ میں ان کی کاوشوں پر 65 انچ ایل ای ڈی ٹی وی اور گری ایئر کنڈیشنر کے انعامات پیش کئے۔ گری اور ایکو سٹار کی مارکیٹنگ ٹیم نے محمد حفیظ کی رہائش گاہ کا دورہ کیا اور انعامات ان کے حوالے کئے۔ ڈی ڈبلیو پی اس بات پر یقین رکھتی ہے کہ ان کی کامیابی پاکستان کرکٹ ٹیم کےلئے ہمیشہ یاد رکھی جائے گی۔ وہ ملنے والے انعامات کےلئے حقدار ہیں۔ ڈی ڈبلیو گروپ نے قبل ازیں فیس بک مقابلے بھی منعقد کئے جن میں اپنے صارفین کو انعامات سے نوازا اور اس کے علاوہ فیس بک اور انسٹا گرام پر خصوصی مواقع پر متعدد مقابلوں اور کھیلوں کا اعلان کیا اور صحت مندانہ شرکت اور ان مقابلوں سے محظوظ ہونے کو یقینی بنایا۔ ڈی ڈبلیو پی گروپ کنزیومر الیکٹرانکس اور ٹیکنالوجی مصنوعات کی فراہمی کا ممتاز گروپ ہے اور اسے بین الاقوامی سطح پر مارکیٹنگ انتہائی قابل اعتماد جدید ٹیکنالوجی کی حامل مصنوعات کو فروغ دینے کا وسیع تجربہ ہے اور اس نے دنیا کی بہترین کمپنیوں کو تخلیق کیا اور ماہرین پیدا کئے ہیں
