کراچی (آئی این پی) پاکستان کر کٹ ٹیم کے سابق کپتان شاہد خان آفریدی نے کہا ہے کہ نجم سیٹھی نے ورلڈ الیون کو پاکستان لاکر ایک کارنامہ کیا ہے، شاہد آفریدی نے کہا ہے کہ مجھے میرے پرستاروں نے پاگلوں کی طرح چاہا ہے انکی اس محبت کے قرض کو کبھی واپس نہیں کر سکتا۔، میں پاکستان کرکٹ بورڈ کا مشکور ہوں کہ انہوں نے مجھے اور مصباح الحق کو ورلڈ الیون کے خلاف میچ کے دوران عزت دی لیکن مجھے ایسی تقریبات اور پذیرائی کی بجائے اپنے پرستاروں کی دی ہوئی محبت سے ہمیشہ زیادہ خوشی ہوتی ہے۔
