انفرادی ریکارڈز سے زیادہ ٹیم کی جیت اہمیت رکھتی ہے

چنئی (بی این پی )ویرات کوہلی نے کہا ہے کہ ان کیلئے انفرادی ریکارڈز سے زیادہ ٹیم کی جیت اہم ہوتی ہے ، انہوں نے سنچری مکمل کرنے کے بارے کبھی نہیں سوچا اور نہ ہی اس مقصد کیلئے کھیلتے ہیں اور شاید یہی وجہ ہے کہ وہ کئی بار تھری فیگرز عبور کر چکے ہیں۔ ان کا کہنا تھا کہ کینگروز کے خلاف ون ڈے سیریز کیلئے کوئی الگ منصوبہ بندی نہیں کی بلکہ کھلاڑیوں کو بتا دیا ہے کہ فتوحات کیلئے ہر ایک کو کردار ادا کرنا ہو گا۔ بھارتی قائد نے کہا کہ ان کیلئے انفرادی ریکارڈز کے بجائے ٹیم کی جیت اہم ہوتی ہے لہٰذا وہ اگر 98 یا 99 پر ناٹ آو¿ٹ ہوں تب بھی سنچری مکمل کرنے کے بارے نہیں سوچتے بلکہ ان کی ہمیشہ کوشش ہوتی ہے کہ بڑی اننگز کھیل کر ٹیم کی فتح کے ساتھ میچ فنش کیا جائے ۔