لاہور (ویب ڈیسک)عروہ حسین نے فرحان سے شادی کی کہانی خود ہی سنا دی،اداکارہ عروہ حسین کا کہنا تھا کہ گلوکاری کی طرف رجحان تھا، فرحان سے اسی فیلڈ میں ہی ملاقاتیں ہوئیں جو دوستی سے رشتے میں تبدیل ہو گئی، شادی کی پیشکش انھوں نے ہیرے کی انگوٹھی سے کی تو انکار نہ کرسکی اور مجھے ماننا پڑا۔ڈرامہ سیریل ’اڈاری‘ سے شہرت پانے والی اداکارہ عروہ حسین کا کہناتھا کہ برلن میں ہم دراصل ایک کمرشل کی شوٹنگ کے لیے گئے تھے اور وہاں سے میں ہر لمحے سوشل میڈیا پر اپنی اور ان کی تصاویر اپ لوڈ کرتی رہی تھی جو اخبارات کی زینت بنی جس کے بعد ہمارے درمیان قربتیں بڑھنے لگیں اور بالا آخرہم دونوں نے شادی کرنے کا فیصلہ کیا۔
