اسلام آباد (ویب ڈیسک)وزیراعظم نوازشریف سے آرمی چیف جنرل قمر جاوید کی ملاقات ہوئی ہے جس دوران ڈی جی آئی ایس آئی بھی ان کے ہمراہ موجود تھے، تقریباً ڈیڑھ گھنٹے تک جاری رہنے والی اس میٹنگ کے دوران ڈان لیکس سمیت سیکیورٹی اور کلبھوشن یادیو کے معاملے پربھی تبادلہ خیال کیا گیا۔تفصیلات کے مطابق پاکستان کی عسکری اور سویلین قیادت کے درمیان وزیراعظم ہاﺅس میں ہونیوالی ملاقات میں ڈان لیکس رپورٹ پر تبادلہ خیال کیا گیا جس دوران عسکری و سویلین قیادت نے ڈان لیکس کے معاملات کو افہام و تفہیم کے ذریعے حل کرنے پر اتفاق کیا ہے۔وزیراعظم اور آرمی چیف ملاقات میں ڈی جی آئی ایس آئی لیفٹینٹ جنرل نوید مختار،وفاقی وزیرداخلہ چوہدری نثار اور وفاقی وزیرخزانہ اسحاق ڈار نے بھی شرکت کی۔ملاقات کے دوران پاک افغان سرحدی صورتحال کو بھی زیر بحث لایا گیا جبکہ کلھبوشن یادیو کے حوالے سے بھی تبادلہ خیال کیا گیا۔
