لاہور(سپورٹس ڈیسک)پاکستان سپر لیگ کے چیئرمین نجم سیٹھی کا کہنا ہے کہ شاہد آفریدی سے ملاقات کے دوران ان کی فیئر ویل سے متعلق معاملات طے کیے گئے ہیں۔تفصیلات کے مطابق نجم سیٹھی نے دبئی میں شاہد آفریدی سے ملاقات کی جس کے بعد انہوں نے سماجی رابطے کی ویب سائٹ “ٹوئٹر”پر ایک پوسٹ کرتے ہوئے کہا کہ شاہد آفریدی سے میری ملاقات بہت مثبت رہی،فیئر ویل کے ساتھ ساتھ مستقبل میں آفریدی کی کرکٹ میں خدمات سے متعلق بھی معاملات طے کیے گئے۔۔ذرائع کے مطابق شاہد خان آفریدی کوورلڈ الیون کے خلاف میچ کھلائے جانے کی آپشن بھی زیر غور ہے لہٰذا پاکستانی ایک بار پھر شاہد خان آفریدی کو پاکستان کی نمائندگی کرتے ہوئے دیکھنے کی امید کر سکتے ہیں۔
