کراچی (نیوزایجنسیاں) قومی ٹیم کے سابق کپتان شاہد آفریدی نے تحفہ پیش کرکے جذبہ خیر سگالی کا مظاہرہ کرنے پر ہندوستان کے کپتان ویرات کوہلی اور ان کی ٹیم کا شکریہ ادا کیا ہے۔سماجی رابطوں کی ویب سائٹ ٹوئٹر پر اپنے پیغام میں آل راو¿نڈر نے کہا کہ بہترین الوداعی تحفے پر میں آپ کا اور پوری ہندوستانی ٹیم کا شکرگزار ہوں۔ قابل عزت سپرسٹار،امید ہے کہ آپ سے جلد ملاقات ہو گی۔یاد رہے کہ ویرات کوہلی نے ریٹائر ہونےوالے پاکستان کے سابق کپتان کیلئے نیک تمناو¿ں کا اظہار کرتے ہوئے اپنی شرٹ تحفتاً پیش کی تھی جس پر ہندوستانی ٹیم کے کھلاڑیوں کے دستخط موجود تھے اور اس میں لکھا تھاکہ آپ کیخلاف کھیل کرہمیشہ بڑی خوشی ہوئی۔
