کولمبو (اے پی پی) سری لنکن ٹیم کے مایہ ناز فاسٹ باﺅلر لاستھ مالنگا ٹی ٹونٹی انٹرنیشنل کرکٹ میں زیادہ وکٹیں لینے والے دنیا کے دوسرے باﺅلر بن گئے، مالنگا نے بنگلہ دیش کے خلاف پہلے ٹی ٹونٹی میچ میں 2 وکٹیں لیکر پاکستانی باﺅلرز سعید اجمل اور عمرگل کی زیادہ وکٹوں کا ریکارڈ توڑ دیا۔، اجمل اور عمر نے مشترکہ طور پر 85، 85 وکٹیں لے رکھی تھیں جبکہ مالنگا نے اب تک 66 میچز میں 86 وکٹیں لے رکھی ہیں، ٹی ٹونٹی انٹرنیشنل کرکٹ کی تاریخ میں زیادہ وکٹیں لینے کا عالمی اعزاز سابق پاکستانی آل راﺅنڈر شاہدخان آفریدی کو حاصل ہے جنہوں نے 97 وکٹیں حاصل کر رکھی ہیں۔
