کراچی (نیوزایجنسیاں) قومی ٹیسٹ ٹیم کے کپتان مصباح الحق نے کہا ہے کہ اپنے مستقبل کا فیصلہ کرلیا ہے جلد سب کو پتا چل جائے گا۔اسپاٹ فکسنگ پر قانوں بھی سخت ہو اور پر عمل بھی جاندار ہو، نہیں جانتا ایف آئی اے اور پی سی بی میں کیا چل رہا ہے۔پاکستان ٹیسٹ ٹیم کے کپتان مصباح الحق نے دورہ ویسٹ انڈیز کے حوالے سے میڈیا سے گفتگو کرتے ہوئے کہا کہ ہوم گراﺅنڈ میں ویسٹ انڈیز خطرناک حریف ثابت ہوسکتی ہے،سرفراز احمد اچھا کپتان ہے میری دعائیں اس کے ساتھ ہیں۔ویسٹ انڈیز کے خلاف گذشتہ سیر یز میں کامیابی کی وجہ سے پاکستان ٹیم کی پوزیشن مستحکم ہے۔اسپاٹ فکسنگ کی وجہ سے عالمی سطح پر پاکستان کو سبکی اٹھانا پڑی، اسپاٹ فکسنگ پر سخت قانون کےساتھ،سختی سے عمل کرانابھی ضروری ہے اسپاٹ فکسنگ کے نقصانات سے بچنے کے لئے مکمل آگاہی پروگرام بناناہوگا۔
