لندن(آئی این پی)پرتگالی اسٹار کرسٹیانو رونالڈو اور ان کے روایتی حریف ارجنٹائن کے لائنل میسی نے فیفا کی سالانہ ایوارڈ زتقریب میں شرکت نہیں کی۔دونوں کھلاڑی بہترین فٹبالر اور بہترین گول کے ایوارڈ کی دوڑ میں بھی شریک تھے ۔ غیر حاضری پر ا ن دونوں فٹبالرز کو سخت تنقید کا نشانہ بنایا جا رہا ہے ۔سابق فٹبالرز کا کہنا تھا کہ ان کا یہ اقدام فٹبال کے کھیل، کھلاڑیوں اور فیفا کی توہین کے مترادف ہے۔یہ سب کھلاڑیوں کی تقریب تھی جبکہ دونوں ماضی میں یہ ایوارڈ جیت بھی چکے ہیں اس لئے ان کی غیر حاضری کا کوئی جواز نظر نہیں آتا۔
