تازہ تر ین

نئی وفاقی کابینہ کے لیے ناموں کو حتمی شکل دے دی گئی

اسلام آباد(ویب ڈیسک) نئی حکومت کی متوقع کابینہ میں 18 وزراءاور 5 مشیر شامل ہوں گے جب کہ عمران خان وزارتِ عظمٰی سمیت وزارتِ داخلہ بھی اپنے پاس رکھیں گے۔تفصیلا ت کے مطابق پاکستان کے 22 ویں وزیراعظم عمران خان نے اپنے عہدے کا حلف اٹھا لیا ہے اور اب ان کی ممکنہ کابینہ کے نام بھی سامنے آگئے ہیں۔ ذرائع کے مطابق عمران خان وزارتِ عظمیٰ کے ساتھ وزیرداخلہ کا عہدہ سنبھالیں گے تاہم وزارتِ داخلہ میں معاونت کے لئے دو مشیر رکھے جائیں گے جن کے لئے سابق انسپیکٹر جنرل پولیس شعیب سڈل اور ناصر درانی کے نام زیرِ غور ہیں۔ذرائع کے مطابق نئی کابینہ میں شاہ محمود قریشی وزیرِ خارجہ، اسد عمر وزیرخزانہ، شفقت محمود وزیر تجارت، اور پرویز خٹک وزارتِ دفاع کا قلمدان سنبھالیں گے۔ وزارتِ اطلاعات یا وزارتِ قانون پی ٹی آئی کے مرکزی ترجمان بیرسٹر فواد چوہدری کے حوالے کی جاسکتی ہے، جب کہ شیریں مزاری کو مشیر قومی سلامتی،عوامی مسلم لیگ کے سربراہ شیخ رشید کو وزیر ریلوے، عامر لیاقت حسین کو وزارتِ مذہبی امور بنایا جاسکتا ہے۔علی زیدی وزیرانفارمیشن اینڈ ٹیکنالوجی، علی امین گنڈا پور کو وزیر ہاو¿سنگ ، شہریارآفریدی وزیرسیفران اور امین اسلم کو مشیر ماحولیات بن سکتے ہیں اور معروف صنعت کار عبدالرزاق داو د مشیر کامرس ہوں گے، ذرائع کے مطابق وزارت صنعت و پیداوار کے قلمدان کی (ق) لیگ خواہشمند ہے۔ عمران خان کی متوقع کابینہ میں 18 وزراء اور 5 مشیر شامل ہوں گے۔



خاص خبریں


US-dollar-rises

سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv