راولپنڈی (ویب ڈیسک) ڈی جی آئی ایس پی آر جنرل آصف غفور کا کہنا ہے کہ اگر امریکا نے پاکستان کیخلاف جارحیت کی تو حکومت پاکستان کے احکامات کے مطابق جوابی اقدامات اٹھائے جائیں گے۔ تفصیلات کے مطابق ڈی جی آئی ایس پی آر جنرل آصف غفور کی جانب سے نجی ٹی وی چینل کے پروگرام سے گفتگو کرتے ہوئے امریکی دھمکیوں کے حوالے سے ردعمل دیا گیا ہے۔ترجمان پاک فوج کا کہنا ہے کہ پاکستان ایک خودمختار اور ذمہ دار ملک ہے۔ ایک سوال کے جواب میں ترجمان پاک فوج نے بتایا کہ اگر امریکا نے پاکستان کیخلاف جارحیت کی تو حکومت پاکستان کے احکامات کے مطابق جوابی اقدامات اٹھائے جائیں گے۔ تاہم ہماری نظر میں امریکا اور پاکستان اب بھی دوست ہیں۔ امریکا کو اپنے رویے پر نظرثانی کرنی چاہیئے۔
