اسلام آباد: وفاقی وزیر توانائی اویس لغاری نے کہا ہے کہ پاکستان اور روس کے تعلقات پر مغرب کو ناراض نہیں ہونا چاہیے۔
روسی میڈیا کو دیے گئے ایک انٹرویو میں اویس لغاری نے کہا کہ پاکستان اور روس کے تعلقات دونوں ممالک کے عوام کے فائدے کے لیے ہیں اور یہ نہ کسی کو نقصان پہنچانے کے لیے ہیں اور نہ ہی کسی کے مفاد کے خلاف۔ انہوں نے مزید کہا کہ یہ تعلقات اقتصادی فوائد میں تبدیل ہوں گے۔
وزیر توانائی نے کہا کہ ترقی پذیر ممالک کی ترقی کے لیے عالمی طاقتوں کے درمیان مثر رابطہ ضروری ہے اور مارچ سے پاکستان اور روس کے درمیان آزمائشی مال بردار ٹرین چلائی جائے گی۔ وہ پاکستان اور روس کے درمیان براہِ راست فضائی سروسز کے قیام پر بھی غور کر رہے ہیں۔ اویس لغاری کا کہنا تھا کہ پاکستان کو برکس کے رکن ممالک سے بہتر اور قریبی علاقائی تعاون مل سکتا ہے۔
