ڈالر مزید سستا، سٹاک مارکیٹ میں بھی مثبت رجحان رہا

کراچی: (ویب ڈیسک) انٹربینک میں روپے کے مقابلے میں ڈالر کی قیمت مزید کم ہوگئی جبکہ سٹاک مارکیٹ میں مندی کا رجحان رہا ۔
کاروباری ہفتے کے تیسرے روز کاروبار کے آغاز سے ہی ڈالر کی قدر میں کمی دیکھنے میں آئی، انٹربینک میں ایک روپیہ 96 پیسے کمی کے بعد ایک ڈالر 265 روپے 38 پیسے کا ہوگیا۔
انٹربینک میں ڈالرکی قیمت بلند ترین سطح سے 11 روپے 20 پیسے کم ہوچکی ہے ،3 فروری کو انٹربینک میں ڈالر 276 روپے 58 پیسے کی ریکارڈ سطح پر تھا۔
اوپن مارکیٹ میں ڈالر کی قیمت میں 2 روپے 50 پیسے کمی ہوئی ہے جس کے بعد اوپن مارکیٹ میں امریکی کرنسی 269 پر فروخت ہو رہی ہے۔
دوسری جانب پاکستان سٹاک مارکیٹ میں کاروبار کا مثبت رجحان دیکھنے میں آیا، 176 پوائنٹس کے اضافے کے بعد 100 انڈیکس 41 ہزار 326 پوائنٹس کی سطح پر آگیا ہے۔