کراچی:(ویب ڈیسک) پاکستان سٹاک مارکیٹ میں سیاسی غیر یقینی صورتحال کے باعث اُتار چڑھاؤ غالب رہا، ٹریڈنگ کے دوران 100 انڈیکس 26.46 پوائنٹس کی مندی کے بعد 43203.79 پوائنٹس کی سطح پر پہنچ کر بند ہوا۔
پورے کاروباری روز کے دوران کاروبار میں 0.06 فیصد کی تنزلی دیکھی گئی جبکہ 5 کروڑ 39 لاکھ 38 ہزار 791 شیئرز کا لین دین ہوا۔
معاشی ماہرین کا کہنا ہے کہ ملک میں جاری غیر یقینی سیاسی صورتحال کے باعث پاکستان سٹاک مارکیٹ میں تنزلی چھائی ہوئی ہے، جیسے ہی سیاسی صورتحال میں ٹھہراؤ آتا ہے تو تیزی کی واپسی ہو سکتی ہے۔
