پشاور: (ویب ڈیسک) خیبرپختونخوا میں آٹا اور گندم مہنگی فروخت ہونے لگی، پشاور میں 80 کلو آٹے کی بوری کی قیمت 6 ہزار 300 سے بڑھ کر 6 ہزار 400 روپے ہوگئی، قیمتوں میں مزید اضافے کے خدشات ہیں۔
خیبر پختونخوا میں آٹے اور گندم سے متعلق معاملات حل نہ ہونے سے صوبے میں ایک بار پھر آٹے کی قیمتوں میں اضافہ ہوگیا۔ پشاور کی اوپن مارکیٹ میں پنجاب سے منگوائے جانیوالے سپیشل آٹے کی قیمت میں مزید 100 روپے کا اضافہ ہوگیا ہے جس کے بعد 20 کلو گرام تھیلے کی قیمت 1450 روپے ہوگئی ہے، 20 کلو گرام سپر فائن آٹا بھی 1520 روپے کا ہوگیا ہے۔
اشیائے خورونوش کی بڑھتی ہوئی قیمتوں سے شہری بھی پریشان ییں، کہتے ہیں کہ دو وقت کی روٹی بھی خریدنا مشکل ہوگیا ہے۔ حکومت کی جانب سے کئے گئے اقدامات کے باوجود ذخیرہ اندوزوں اور مافیا کی بڑھتی اجارہ داری کے باعث ریلیف تاحال عوام تک نہیں پہنچ سکا۔
