حکومت نے اپوزیشن کے جلسوں کا جواب عوامی سطح پر دینے کا فیصلہ کرلیا۔
ذرائع کے مطابق وزیر اعظم عمران خان نے اپوزیشن کے جلسوں کا جواب جلسوں سے دینے کی منظوری دے دی ہے۔
ذرائع کا کہنا ہے کہ پاکستان تحریک انصاف اپنا پہلا جلسہ سات نومبر کو کرے گی۔ حافظ آباد میں ہونے والے جلسے میں وزیر اعظم عمران خان خود شریک ہوں گے ۔ پارٹی نے جلسے کی تیاریاں شروع کردی ہیں۔
وزیر اعظم جلسہ کے دوران حافظ آباد میں یونیورسٹی آف حافظ آباد کا سنگ بنیاد بھی رکھیں گے جبکہ حافظ آباد اسپتال کا اعلان بھی کریں گے۔
ذرائع کا کہنا ہے کہ پی ٹی آئی سنٹرل پنجاب کے صدر اعجاز احمد چوہدری نے وزیر اعظم کو اپوزیشن کے جلسوں کا جواب جلسوں سے دینے کی تجویز پیش کی تھی۔
