سڈنی: مچل اسٹارک نے انڈین پریمیئر لیگ کو سرکس قرار دے دیا۔
کولکتہ نائٹ رائیڈرز کے مہنگے ترین پلیئر مچل اسٹارک نے انڈین پریمیئر لیگ کو سرکس قرار دے دیا، وہ 8 برس بعد ایونٹ میں شریک ہورہے ہیں، آخری مرتبہ انھوں نے 2014 میں رائل چیلنجرز بنگلور کی نمائندگی کی تھی۔
یہ بھی پڑھیں: آئی پی ایل کے بجائے ڈومیسٹک کرکٹ کو ترجیح دیں، بھارتی بورڈ کا پلیئرز کو انتباہ
اس بار کولکتہ نائٹ رائیڈرز نے اسٹارک کی خدمات ریکارڈ ساڑھے 24 کروڑ بھارتی روپے میں حاصل کرلی ہے۔ 2018 میں بھی کے کے آر نے انھیں اپنی ٹیم میں شامل کیا مگر وہ کوئی میچ بھی نہیں کھیل پائے تھے۔
اسٹارک نے کہاکہ میں آئی پی ایل کے حوالے سے کافی پْرجوش ہوں، یہ میرے لیے ایک نیا چیلنج ہے، دنیا کی بہترین ٹی 20 لیگ ہمیشہ ایک سرکس کی طرح ہوتی ہے۔
