اسلام آباد: (ویب ڈیسک) صدر مملکت ڈاکٹر عارف علوی کی جانب سے اسرائیلی فورسز کی جانب سے مسجد اقصیٰ کے اندر فلسطینی نمازیوں پر حملے کی شدید الفاظ میں مذمت کی گئی ہے۔
ایوان صدر سے جاری ہونے والے ایک بیان میں صدر ڈاکٹر عارف علوی نے کہا کہ افسوس کہ اسرائیل نے مذہبی مقامات کے تقدس سمیت انسانیت کے کسی بھی اصول کا خیال نہیں رکھا۔
صدر نے کہا کہ ہمیں رمضان کے مقدس مہینے میں نمازیوں پر گھناؤنے حملے میں بربریت کی انتہا دیکھنے کو ملی، عالمی برادری پرامن عبادت گزاروں کیخلاف وحشیانہ اور غیرانسانی فعل کی مذمت کرے۔
