میلبورن: (ویب ڈیسک) آسٹریلوی ٹی ٹوئنٹی کرکٹ ٹیم کے کپتان ایرون فنچ نے انٹرنیشنل کرکٹ سے ریٹائرمنٹ کا اعلان کر دیا۔
ایرون فنچ نے 5 ٹیسٹ، 146 ون ڈے اور 103 ٹی ٹوئنٹی میچز میں آسٹریلین ٹیم کی نمائندگی کی، فنچ کی قیادت میں آسٹریلیا نے ٹی 20 ورلڈ کپ 2021ء کا ٹائٹل اپنے نام کیا۔
ایرون فنچ نے انٹرنیشنل میچز میں مجموعی طور پر 8 ہزار 804 رنز بنائے جن میں ایک روزہ میچز کی 17 اور ٹی ٹوئنٹی میچز کی 2 سنچریاں شامل ہیں۔
مزید برآں ایرون فنچ نے 76 ٹی ٹوئنٹی اور55 ون ڈے میچز میں آسٹریلیا کی کپتانی بھی کی، فنچ نے گزشتہ سال ستمبر میں ہی ایک روزہ کرکٹ سے ریٹائرمنٹ لے لی تھی۔
