اسلام آباد: (ویب ڈیسک) ویسٹ ایشیا بیس بال کپ کے میچ میں میزبان پاکستان نے بنگلا دیش کو صفر کے مقابلے میں 14 رنز سے شکست دے دی۔
ویسٹ ایشیا بیس بال کپ کے دوسرے روز 3 میچز کھیلے گئے، پہلا میچ پاکستان اور بنگلا دیش کے درمیان ہوا جبکہ دوسرے میچ میں فلسطین نے نیپال کو ایک کے مقابلے میں 22 رنز سے ہرا دیا۔
تیسرے میچ میں دفاعی چیمپئن سری لنکا نے بھارت کو 2 کے مقابلے میں 11 رنز سے شکست دی، اتوار کو بھی تین میچز کھیلے جائیں گے، پہلا بنگلہ دیش اور افغانستان، دوسرا بھارت، نیپال جبکہ تیسرا میچ پاکستان اور سری لنکا کے درمیان ہوگا۔
