کراچی: (ویب ڈیسک) پاکستانی ویمن کرکٹ ٹیم کی فاسٹ باؤلر ڈیانا بیگ انجری کے باعث آسٹریلیا کے خلاف آئندہ ٹی ٹونٹی سیریز اور ٹی ٹونٹی ورلڈ کپ کا حصہ نہیں ہوں گی۔
فاسٹ باؤلر ڈیانا بیگ کے دائیں ہاتھ کی انگلی میں فریکچر ہوا ہے، ڈیانا بیگ کی جگہ صدف شمس متبادل کھلاڑی کے طور پر ٹیم کا حصہ ہوں گی۔
ڈیانا بیگ آسٹریلیا کے خلاف تیسرے ون ڈے میں کیچ لینے کے دوران زخمی ہوئیں، ڈیانا کو مقامی ہسپتال لے جایا گیا جہاں ایکسرے میں فریکچرکی تصدیق ہوئی۔
پاکستان کرکٹ بورڈ کی جانب سے جاری پریس ریلیز کے مطابق پی سی بی میڈیکل پینل نے ڈیانا بیگ کو 4 ہفتوں کے آرام کا مشورہ دیا ہے۔
