جوہانسبرگ: (ویب ڈیسک) انڈر 19 ویمن ٹی 20 ورلڈکپ میں پاکستان نے زمبابوے کو 10 وکٹ سے شکست دے دی۔
قومی ویمن انڈر 19 کرکٹ ٹیم نے جنوبی افریقہ میں جاری انڈر 19 ویمن ٹی 20 ورلڈ کپ میں زمبابوے کو 10 وکٹوں سے شکست دیکر گروپ بی میں دوسری جیت اپنے نام کرلی۔
زمبابوے نے ٹاس جیت کر پہلے بیٹنگ کرتے ہوئے پاکستان کو جیت کے لئے 98 رنز کا ہدف دیا قومی بولر انوشہ ناصر نے 2 کھلاڑیوں جبکہ عریشہ اور لائبہ نے ایک ایک وکٹ حاصل کی۔
ہدف کے تعاقب میں قومی اوپنرز شوال ذوالفقار اور ایمن فاطمہ نے جارحانہ بیٹنگ کرتے ہوئے 11 ویں اوور میں مطلوبہ ہدف بغیر کوئی وکٹ کے گوائے حاصل کرلیا۔
پاکستان کی جانب سےایمن فاطمہ نے شاندار نصف سنچری بنائی اور 62 رنز کے ساتھ نمایاں رہیں۔
