لاہور : (ویب ڈیسک) پاکستان کرکٹ بورڈ (پی سی بی ) کی جانب سے انٹرنیشنل کرکٹ کونسل (آئی سی سی ) انڈر 19 ویمن ٹی 20 ورلڈ کپ کیلئے 20 رکنی سکواڈ کا اعلان کردیا گیا۔ پی سی بی کی جانب سے اعلان کردہ سکواڈ کی قیادت عروب شاہ کریں گی جبکہ دیگر کھلاڑیوں میں علیزہ خان ،انوشا ناصر،عریشہ نور ،ایمان فاطمہ ،حلیمہ عظیم ڈار، ہانیہ احمر، لائبہ ناصر، ماہ نور آفتاب ،قرت العین احسن ،ردا اسلم ، شوال ذوالفقار ،وردہ یوسف ،زیب النسا اور زامینہ طاہر شامل ہیں۔ قومی سکواڈ میں اقصیٰ یوسف ،دینا رضوی ،ماہم انیس ،مسکان عابد اور تہذیب شاہ کو بطور ریزرو کھلاڑی شامل کیا گیا ہے۔ قومی انڈر 19 ٹیم چیف سلیکٹر اسماویہ اقبال نے سکواڈ میں منتخب ہونے والی تمام کھلاڑیوں کو مبارکباد دیتے ہوئے کہا کہ سکواڈ میں شامل تمام کھلاڑیوں پر اعتماد ہے کہ وہ پہلی مرتبہ ہونے والے ایونٹ میں اچھی کارکردگی کا مظاہرہ کریں گی۔ شیڈول کے مطابق ویمن انڈر 19 ٹی ٹوئنٹی ورلڈ کپ کا آغاز 14 جنوری سے سائوتھ افریقہ میں ہوگا جبکہ ایونٹ 29 جنوری تک جاری رہے گا۔ میگا ایونٹ میں قومی ٹیم 15جنوری کو روانڈا ،17 جنوری کو انگلینڈ اور 19 جنوری کو زمبابوے کے خلاف میچ کھیلے گی۔
