تازہ تر ین

چھوٹے قد کی وجہ سے مشہور گلوکار عبدو روزک بگ باس سیزن16کا حصہ ہوں گے

ممبئی:(ویب ڈیسک) تاجکستان سے تعلق رکھنے والے مشہور گلوکار عبدو روزک بگ باس سیزن 16 میں بطورِ کنٹسٹنٹ شرکت کریں گے۔ بھارتی میڈیا رپورٹ کے مطابق آج 1 اکتوبر سے بھارت کے مقبول رئیلٹی شو بگ باس کے سولہویں سیزن کا آغاز ہونے جا رہا ہے آج اس شو کا رنگارنگ پریمئیر دکھایا جائے گا جس میں شو میں حصہ لینے والے کھلاڑیوں کو متعارف کروایا جائے گا۔ گزشتہ روز پریس کانفرنس میں شو کے میزبان اور بالی ووڈ کے سُپر اسٹار سلمان خان نے بگ باس کے نئے سیزن کے پہلے کھلاڑی عبدو روزک کا علان کیا تھا جوکہ اپنے چھوٹے قد اور بہترین گلوکاری کی وجہ سے دنیا بھر میں مشہور ہیں۔ شو کی لانچنگ کی تقریب پر سلمان خان نے عبدو روزک کا تعارف کرواتے ہوئے کہا کہ ‘وہ ہندی زیادہ اچھی بولنا یا سمجھنا نہیں جانتے لیکن وہ ہندی گانے گاتے ہیں’۔ بھارت کے سب سے بڑے رئیلٹی شو میں حصہ لیتے کے بارے میں بات کرتے ہوئے عبدو روزک نے کہا کہ ‘میں بہت خوش ہوں اور سب سے محبت کرتا ہوں، مجھ سے انتظار نہیں ہو رہا کہ کب بگ باس کے گھر کے اندر جاؤں، برائے مہربانی مجھے سپورٹ کیجیے گا’۔ یاد رہے 19 سالہ عبدو روزک کو دنیا بھر میں موجود مداحوں کی جانب سے بےحد سراہا جاتا ہے ان کا قد صرف 100 سینٹی میٹر ہے اور وہ گلوکاری کی دنیا میں سب سے چھوٹے قد والے گلوکار کے نام سے مشہور ہیں۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv