لاہور: (ویب ڈیسک) پاکستان اور نیدرلینڈز کے درمیان ایک روزہ سیرز کا تیسرا اور آخری میچ آج کھیلا جا رہا ہے۔ پاکستان نے ٹاس جیت کر بیٹنگ کرنے کا فیصلہ کیا۔
پاکستان اور نیدر لینڈز آج ون ڈے سیریز کے تیسرے اور آخری میچ میں آمنے سامنے ہیں۔ پاکستان کو سیریز میں پہلے ہی 0-2 کی برتری حاصل ہے۔
پاکستانی ٹیم آج تیسرا میچ جیت کر نیدر لینڈز کے خلاف سیریز میں کلین سوئپ کی کوشش کرے گی۔ نوجوان بلے باز عبد اللہ شفیق آج ڈیبیو کریں گے۔
قومی کرکٹ ٹیم کی فائنل الیون میں 4 تبدیلیاں کی گئی ہیں، پاکستان کی قیادت بابر اعظم کر رہے ہیں۔ امام الحق، شاداب خان، محمد رضوان اور حارث رؤف کو آرام دیا گیا ہے۔