اسلام آباد: (ویب ڈیسک) وفاقی وزیر اطلاعات مریم اورنگزیب سے متحدہ عرب امارات (یو۔اے۔ای) کے سفیر حماد عبید ابراہیم الزابی کی ملاقات ہوئی۔
دونوں راہنماؤں میں پاکستان اور یو اے ای کے درمیان دوطرفہ تعلقات کے فروغ اور باہمی دلچسپی کے امور پر تبادلہ خیال کیا۔
وفاقی وزیر اطلاعات مریم اورنگزیب نے پاکستانی عوام کی طرف سے متحدہ عرب امارات کے سابق صدر شیخ خلیفہ بن زید النہیان کے انتقال پر اظہار افسوس کیا
شیخ خلیفہ مرحوم پاکستان کے دوست تھے، ان کی وفات ایک دونوں ممالک کے لئے بڑا نقصان ہے۔
یو اے ای کے نئے صدر عزت مآب شیخ محمد بن زید بن سلطان النہیان وژنری اور ترقی پسند لیڈر ہیں۔
وزیراعظم شہباز شریف اور صدر شیخ محمد بن زید آنے والی نسلوں کی ترقی و خوش حالی کا انقلابی وژن رکھتے ہیں۔
دونوں قائدین دونوں ممالک کے درمیان معاشی، تجارتی، سماجی سمیت باہمی دلچسپی کے تمام شعبوں میں مضبوط تعلقات اور روابط کے فروغ کے خواہاں ہیں
ہماری حکومت نے نئی فلم و کلچر پالیسی پر عمل شروع کیا ہے۔ وفاقی وزیر اطلاعات
یو اے ای اے کے فلم سازوں اور سرمایہ کاروں کو فلم اور ڈرامہ کے شعبوں میں مشترکہ منصوبوں اور سرمایہ کاری کی دعوت دیتے ہیں
کامیاب دبئی ایکسپو کے انعقاد پر یو اے ای کی قیادت اور آرگنائزر کو مبارک پیش کرتے ہیں
دوبئی نمائش سے مثبت تشخص کو اجاگر کرنے کے علاوہ معاشی مواقع میں اضافہ ہوا اور مختلف ممالک کی ثقافت کو فروغ ملا۔۔ وفاقی وزیر اطلاعات
وزیراعظم شہباز شریف کے ویژن کے مطابق تجارت اور بزنس ٹو بزنس روابط کو مزید مضبوط کرنے کے خواہاں ہیں: وفاقی وزیر اطلاعات
یو اے ای کے سفیر کی مریم اورنگزیب کو وزارت اطلاعات کا منصب سنبھالنے پر مبارک
دونوں ممالک کی قیادت کے وژن ہے مطابق دوطرفہ تعلقات کے مزید فروغ پر یقین رکھتے ہیں، سفیر یو اے ای
