لاہور: (ویب ڈیسک) سری لنکا ویمن2 ٹیم نے تیسرے ون ڈے میں پاکستان کوجیت کیلئے 261 رنز کا ہدف دیا ہے۔
ٹاس کی جیت سری لنکا کے حصے میں آئی اور مہمان ٹیم نے پہلے بیٹنگ کا فیصلہ کیا۔کپتان چماری اتاپتو نے شاندار سنچری سکور کی، وہ 101 رنز پر ندا ڈار کا شکار بنیں۔ ہرشیتا مدھاوی نے بھی 75 رنزسکور کیے، پاکستان کی فاطمہ ثنا اور انعم امین نے دو دو وکٹیں لیں۔
واضح رہے کہ پاکستان کو تین میچز کی سیریز میں دو صفر کی فیصلہ کن برتری حاصل ہے۔ قبل ازیں قومی ویمن ٹیم سری لنکا کو ٹی ٹونٹی سیریز میں بھی کلین سوئپ کر چکی ہے۔