اسلام آباد: (ویب ڈیسک) کورونا کی پانچویں لہر کے وار کم ہونے لگے۔ ملک میں چوبیس گھنٹے کے دوران کورونا وائرس سے 4 افراد جاں بحق ہوگئے، جس کے بعد اموات کی تعداد 30 ہزار 359 ہوگئی۔ پاکستان میں کورونا کے تصدیق شدہ کیسز کی تعداد 15 لاکھ 24 ہزار 973 ہوگئی۔ نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 180 نئے کیسز رپورٹ ہوئے، پنجاب میں 5 لاکھ 5 ہزار 54، سندھ میں 5 لاکھ 75 ہزار 331، خیبرپختونخوا میں 2 لاکھ 19 ہزار 62، بلوچستان میں 35 ہزار 474، گلگت بلتستان میں 11 ہزار 708، اسلام آباد میں ایک لاکھ 35 ہزار 75 جبکہ آزاد کشمیر میں 43 ہزار 269 کیسز رپورٹ ہوئے۔
