کراچی: (ویب ڈیسک) ملک بھر میں فی تولہ سونے کی قیمت میں یکدم بڑی کمی ریکارڈ کی گئی۔
بین الاقوامی مارکیٹ میں فی اونس سونے کی قیمت میں ایک امریکی ڈالر کی کمی ریکارڈ کی گئی اور نئی قیمت 1791 امریکی کرنسی ہو گئی ہے۔
عالمی مارکیٹ میں قیمتیں کم ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا ، راولپنڈی سمیت دیگر جگہوں پر فی تولہ سونے کی قیمت میں 850 روپے کی بڑی کمی ریکارڈ کی گئی اور نئی قیمت 1 لاکھ 25 ہزار 250 روپے ہو گئی ہے۔
اُدھر دس گرام سونے کی قیمت میں بھی 728 روپے کی تنزلی دیکھی گئی اور قیمت 1 لاکھ 7 ہزار 382 روپے ہو گئی ہے۔
سونے کی طرح چاندی کی قیمتوں میں بھی بالترتیب 20 روپے اور 17.14 روپے کی گراوٹ دیکھی گئی اور قیمتیں 1450 روپے اور 1243.14 روپے ہو گئی ہے۔
