اسلام آباد: (ویب ڈیسک) سابق چیف جج گلگت بلتستان رانا شمیم نے توہین عدالت کیس میں فرد جرم کیلئے روسٹرم پر بلانے پر استدعا کی کہ دو نئی درخواستیں دائر کی ہیں، جس پر چیف جسٹس اسلام آباد ہائیکورٹ اطہر من اللہ نے ریمارکس دیئے کہ پہلے فرد جرم عائد ہوگی پھر درخواستیں دیکھیں گے۔
اسلام آباد ہائیکورٹ میں سابق چیف جج گلگت بلتستان رانا شمیم کے خلاف توہین عدالت کیس کی سماعت ہوئی۔ چیف جسٹس اطہر من اللہ نے کہا کہ رانا شمیم جلدی روسٹرم پر آجائیں فرد جرم عائد کرنی ہے، عدالت حکم دے چکی ہے آج فرد جرم عائد ہوگی۔ رانا شمیم نے استدعا کی کہ میرے وکیل راستے میں ہیں، تھوڑا وقت دے دیں۔ جس پر اسلام آبادہائیکورٹ نے کیس کی سماعت کچھ دیر کے لئے ملتوی کر دی۔
