بھارتی وزیر اعظم نریندرا مودی مشرقی پنجاب میں احتجاج کے باعث 20 منٹ تک فلائی اوور پر پھنسے رہے، جیسے ناقص سیکیورٹی قرار دیا جارہا ہے۔
برطانوی نشریاتی ادارے ’بی بی سی‘ کا کہنا ہے کہ نریندر مودی شمالی ریاست میں یاد گار جارہے تھے تب کسان مظاہرین نے سڑک کو بلاک کردیا۔
مظاہرین کا مطالبہ ہے کہ وہ وزیر جس کے بیٹے پر کسانوں کے قتل کا الزام ہے، عہدے سے مستعفی ہوجائے۔
وفاقی وزارت داخلہ کی جانب سے جاری ہونے والے بیان میں کہا گیا کہ’ یہ وزیر اعظم کی ناقص سیکیورٹی کا اہم واقعہ ہے‘۔
اس موقع پر فیروز پور میں الیکشن ریلی سے نریندر مودی کا خطاب بھی شیڈول تھا۔
تاہم وزارت داخلہ کا کہنا ہے کہ ناقص سیکیورٹی کے باعث وزیر اعظم نے واپس ائیرپورٹ جانے کا فیصلہ کیا۔
مظاہرین نے مطالبہ کیا ہے کہ جونئیر وزیر داخلہ اجے میشرا اپنے عہدے سے مستعفی ہوں کیونکہ ان کے بیٹے پر اکتوبر میں ہونے والے ایک واقعہ میں ملوث ہونے کا الزام ہے، جس میں 8 افرادہلاک ہوئےتھے۔
اتر پردیش میں ہونے والے کسانوں کے احتجاج میں ایک کار نے 4 افراد کو کچل دیا تھا، یہ کار اجے مشیرا کی ہے، کسانوں کا الزام ہے کہ حملے میں پیچھے اجے میشرا کا بیٹا آشیش میشرا ہے، لیکن میشرا خاندان نے الزامات کی تردید کی ہے۔
