ابوظہبی : پاکستان کے سابق کرکٹر اور کمنٹیٹر بازد خان نے پیش گوئی کی ہے کہ پاکستان اور بھارت ٹی ٹوئینٹی ورلڈکپ کا سیمی فائنل کھیلیں گے ۔
انٹر نیشنل کرکٹ کونسل ( آئی سی سی ) نے اپنے آفیشل یوٹیوب چینل پر سابق کرکٹر کی ویڈیو اپلوڈ کی ہے جس میں انہوں نے فیکٹس پر بات کرتے ہوئے سیمی فائنل میں پہنچنے والی چار ٹیموں کے نام بتائے ہیں ۔
بازد خان نے سب سے پہلے پاکستان کا نام لیتے ہوئے کہا کہ قومی ٹیم متحدہ عرب امارات میں ٹی ٹوئنیٹی کرکٹ بہت اچھا کھیلتی ہے وہاں کے حالات پاکستان کے لیے کافی سازگار ثابت ہوتے ہیں جس سے سے بٹیسمین اور باؤلرز دونوں کو فائدہ ہوگا ۔
نہوں نے کہا کہ دوسرے نمبر پر سیمی فائنل میں کوالیفائی کرنے کے امکانات بھارت کے ہیں، اس کی وجہ بھی یہ ہی ہے کہ متحدہ عرب امارات بھارت کو سوٹ کرتا ہے، بھارت کی جانب سے اسپنرز پر بھروسہ کیا جاتا ہے اور یہاں کی پچز آہستہ ہونے کے سبب بھارت کی بولنگ کو فائدہ ہوسکتا ہے۔
