لاہور (خبریں، چینل۵ ویب ڈیسک) سابق امیر جماعت اسلامی آزاد کشمیر عبدالرشید ترابی کی بانی خبریں ضیاءشاہد کی وفات پر اظہار تعزیت کے لیے چیف ایڈیٹر امتنان شاہد کی رہائش گاہ پر آمد، امیر جماعت اسلامی آزاد کشمیر نے شاندار الفاظ میں بانی خبریں کی صحافتی خدمات کو خراج تحسین پیش کرتے ہوئے کہا کہ ضیاءشاہد کی کشمیر کی آزادی کے لیے تحریری اور عملی نوٹس تحریک آزادی کشمیر کی تاری کا حصہ ہے۔ میں خود بانی خبریں ضیا شاہد کی آزادی کشمیر کے لیے عملی جدوجہد کا گواہ ہوں۔ انہوں نے کہا کہ ضیا شاہد کی پاکستان اور کشمیر کاز سے محبت غیر مشروط تھی اسی لئے ان کی صحافتی اور کشمیر کے لیے خدمات کے اعتراف کے لیے آزاد کشمیر اسمبلی میں قرار داد بھی پیش کریں گے۔ امیر جماعت اسلامی عبدلارشید نے بای خبریں ضیا شاہد کے درجات میں بلندی کے لیے دعا بھی کروائی اس موقعہ پر سیکرٹری اطلاعات جماعت اسلامی پنجاب فاروق چوہان بھی موجود تھے۔ چیف ایڈیٹر خبریں امتنان شاہد نے امیر جماعت اسلامی آزاد کشمیر عبدالرشید ترابی کو بانی خبریں ضیاءشاہد کی معروف کتاب سچا اور کھرا لیڈر بھی پیش کی۔ چیئرمین پبلک اکاﺅنٹس کمیٹی آزاد کشمیر عبدالرشید ترابی کا کہنا تھا کہ اس کتاب کا پاکستان کے تمام رہنماﺅں کو ضرور مطالعہ کرنا چاہیے۔ اور ہم حکومت آزاد کشمیر سے اس کتاب کو نصاب کا حصہ بنانے کا کہیں گے۔
