ضیاءشاہد نے جو مشن شروع کیاوہ انشاءاللہ جاری رہیگا، امتنان شاہد

لاہور (خبریں، چینل۵ ویب ڈیسک) چیف ایگزیکٹیو خبریں گروپ امتنان شاہد نے کہا ہے کہ ضیاءشاہد کے لگائے ہوئے پودے خبریں اور چینل۵ کو مرجھانے نہیں دونگا میں امید کرتا ہوں کہ خبریںفیملی گروپ کے تمام افراد میرا ساتھ دیں گے ضیاءشاہد کے نام سے میڈیا سکول بنائیں گے۔ جس میں رپورٹر، اینکر اور سب ایڈیٹر کی تربیت کی جائیگی اس کی اجازت پنجاب یونیورسٹی سے لی جائیگی تاکہ ضیا شاہد میڈیاسکول کی طرف سے جاری سند اور ڈپلومہ ہر جگہ کارگر ہوگا۔ وہ گزشتہ روز خبریں ہیڈ آفس میں ضیاءشاہد مر حوم کے تعزیتی کانفرنس سے خطاب کررہے تھے۔ امتنان شاہد نے کہا کہ شعبہ صحافت میں چند نام ہیں جو شعبہ صحافت سے منسلک ہیں جبکہ یہاڈں پر زیادہ تر انڈسٹری اونرز، یونیورسٹی سکول مالکان اور دوسرے کاروبار کرنے والے لوگ ہیں اور خبریں فیملی نے ایسے لوگوں کا مقابلہ کرنا ہے اور ضیاءشاہد مرحوم کی طرح مظلوم کی آواز اونچا کرنا ہے۔ جیسے وہ خود جہاں ظلم ہوتا تھا جاتے تھے۔ ہم بھی دو رپورٹر پر مشتمل ایسی ٹیم بنائیں گے جس کا نام ضیاءشاہد ریپڈ فورس ہوگا۔ جس کا ہیڈ آفس لاہور میں ہوگا۔ انہوں نے کہا کہ میرا عزم ہے کہ جو فیملی خبریں کا فرد میرا ساتھ دے گا میں پھر اس کا ہاتھ نہیں چھوڑوں گا میں نے یہ کام اپنے والد ضیاءشاہد سے سیکھا ہے انہوں نے کہا کہ میرے والد ضیاءشاہد کی موت کے بعد میری کمر ننگی ہوگئی ہے۔ کیونکہ ضیاءشاہد کی زنذدگی میں جب بھی مجھے مشورہ لینا ہوتا تھا تو میں اپنے والد کو شعبہ صحافت میں سب سے بڑا سمجھتا ہوں۔