کیبل آپریٹر ایسوسی ایشن کی گھر آمد، امتنان شاہد سے اظہار تعزیت پاکستان کی صحافت میں ہمیشہ ضیاءشاہد کی کمی محسوس کی جائے گی، خالد آرائیں

لاہور (خبریں، چینل۵ ویب ڈیسک) چیئرمین کیبل آپریٹرز ایسوسی ایشن آف پاکستان خالد آرائیں کی سربراہی میں وفد نے گزشتہ روز چیف ایگیزیکٹیو خبریں امتنان شاہد سے ان کی رہائش گا پر بانی خبریں گروپ ضیاءشاہد کی وفات پر اظہار تعزیت کیا۔ اس موقعہ پر چیئرمین کیبل آپریٹرز ایسوسی ایشن آف پاکستان خالد آرائیں نے بانی خبریں گروپ کی صحافتی خدمات کو خراج تحسین پیش کیا اور کہا پاکستان میں پاکستان کی صحافت میں ہمیشہ ضیاءشاہد کی کمی محسوس کی جائیگی۔ وہ بڑے دلیر اور دبنگ صحافی تھے۔ خالد آرائیں نے کہا صحافت کی دنیا میں بہت بڑا نقصان ہوا ہے ان کا خلا کبھی پورا نہیں ہوسکتا خبریں کی جب کراچی سے اشاعت کا آغاز کیا گیا تو میری ان سے بہت ملاقات رہی وہ بہتے اچھے انسان تھے۔ ضیاءشاہد کی محبت ہمارے دلوں میں زندہ ہے اللہ تعالیٰ ان کے درجات بلنڈ فرمائیں اور جنت الفردوس میں اعلیٰ مقام عطاءفرمائیں۔ وفد میں سنیئر نائب صدر محمود آرائیں اور سیکرٹری جنرل طاہر چودھری نے شرکت کی اس موقعہ پر مرحوم کے ایصال ثواب کیلئے مفغرت کی دعا بھی مانگی۔