وزیراطلاعات فواد چودھری ، مشیر بابر اعوان کا ضیاءشاہد کے انتقال پر امتنان شاہد کو فون، فیاض چوہان کی گھر آمد،

لاہور (خبریں، چینل۵ ویب ڈیسک) بانی خبریں میڈیا گروپ ضیاءشاہد کے انتقال پر وفاقی وزیراطلاعات فواد چودھری، وزیراعظم کے مشیر برائے پارلیمانی امور بابر اعوان اور پارلیمانی سیکرٹری برائے ریلوے فرخ حبیب نے امتنان شاہد کو فون کرکے اظہار تعزیت کیا۔ وزیر جیل خانہ جات فیاض الحسن چوہدان اور جماعت اسلامی کے سیکرٹری جنرل لیاقت بلوچ نے گھر آکر تعزیت کی او ر ایصال ثواب کیلئے دعائے مغفرت کی۔ وفاقی وزیر اطلاعات فواد چودھری نے کہا کہ ضیاءشاہد ایک بڑے انسان اور عظیم صحافی تھے ان کا خلا پورا نہیں ہوسکے گا۔ پاکستان کی ترقی اور سالمیت کے لیے ان کے بولے اور لکھے گئے الفاظ صدیوں یاد رہیں گے۔ وزیراعظم نے مشیر برائے پارلیمانی امور بابر اعوان نے کہا کہ ضیاءشاہد اپنی مثال آپ تھے۔ واحد ورکنگ جرنلسٹ جو محنت کی بنیاد بنا دیا۔ لیاقت بلوچ نے کہا کہ ضیاءشاہد کا انتقال شعبہ صحافت کا بڑا نقصان ہے۔ وفاقی وزیر پارلیمانی سکرٹری ریلوے فرخ حبیب نے کہا کہ ہے ضیاءشاہد دکھی انسانیت کیلئے درد رکھتے تھے۔ صوبائی وزیرفیاض الحسن چوہان نے بانی خبریں ضیاءشاہد کی وفات پر چیف ایڈیٹر خبریں امتنان شاہد سے ان کی رہائش گاہ پر تعزیت کی سوگوار خاندان سے اظہار تعزیت کرتے ہوئے مرحوم کی مغفرت کی دعا بھی کی۔ اس موقعہ پر فیاض الحسن چوہان نے کہا کہ ضیاءشاہد کو میں پاکستان کا بابائے صحافت کہوں گا۔ انہوں نے صحافت کے میدان میں انقلاب برپا کیا کہ جس کے بعد پھر بہت سے لوگوں کو صحافت کے میدان میں آنے کا جذبہ پیدا ہوا۔ صوبائی وزیر جیل خانہ جات فیاض الحسن چوہان کا کہنا تھا کہ ادارہ چیف ایڈیٹر خبریں امتنان شاہد کی سربراہی میں بہت ترقی کرے گا۔ انہوں نے کہا ضیاءشاہد نے پاکستان کی صحافت میں وہ چزیں صحافت میں مروج نہیں تھیں۔ اللہ پاک انہیں جنت الفردوس میں اعلی مقام عطاءفرمائیں۔