آرمی چیف جنرل قمر جاوید باجوہ سے افغانستان کیلئے روس کے صدر ولادیمیر پیوٹن کے افغانستان کیلئے خصوصی نمائندے ضمیرکابلو نے ملاقات نے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف اور روسی صدر کے خصوصی نمائندے کی ملاقات جنرل ہیڈ کوارٹرز (جی ایچ کیو) راولپنڈی میں ہوئی۔
آئی ایس پی آر نے بتایا کہ دوران ملاقات باہمی دلچسپی کے امور، علاقائی سلامتی کی صورتحال اور افغان امن عمل میں ہونے والی پیشرفت پر تبادلہ خیال کیا گیا۔
اس موقع پر آرمی چیف کا کہنا تھا کہ دونوں ممالک میں امن خطے کے مفاد میں ہے۔
آئی ایس پی آر کے مطابق روسی صدر کے نمائندے نے افغان امن عمل کیلئے پاکستان کے مثبت کردارکو سراہا جبکہ دونوں فریقین نے دوطرفہ تعلقات کو بڑھانے کے عزم کا اعادہ کیا۔