اوگرا نے يکم نومبر سے پيٹرولیم مصنوعات کی قیمتوں میں 2 روپے فی لیٹر تک کمی کی سفارش کر دی۔
اوگرا کی جانب سے سمری میں پيٹرول ایک روپیہ 50 پیسے فی لیٹر اور ہائی سپیڈ ڈیزل کی قیمت میں 2 روپے فی لیٹر تک کمی کی تجویز کی گئی۔ اوگرا کے مطابق پيٹرولیم لیوی کی شرح بڑھا کر قیمتیں برقرار بھی رکھی جا سکتی ہیں۔
پیٹرولیم مصنوعات کی قیمتوں ميں کمی کی سمری وفاقی حکومت کو بھجوا دی گئی۔ وزیر اعظم کی منظوری کے بعد ہی نئی قیمتوں کا اعلان ہوگا۔
وزارت خزانہ پیٹرولیم مصنوعات کی قیمتوں سے متعلق اعلان آج کرے گی۔ نئی قیمتوں کا تعین 15 روز کے لیے کیا جائے گا۔
دو ہفتے قبل حکومت نے آئندہ 15 روز کے لیے پیٹرولیم مصنوعات کی قیمتیں برقرار رکھنے کا فیصلہ کیا تھا۔ اوگرا نے وزارت پیٹرولیم کو مصنوعات کی قیمتوں میں 2 روپے فی لیٹر اضافے کی سمری ارسال کی تھی