تازہ تر ین

وسیم اکرم کرکٹ کے بعد اہلیہ کیساتھ شوبز میں پرفارم کرنے کو تیار

لاہور (لیڈی رپورٹر) گزشتہ برس یہ خبریں سامنے آئی تھیں کہ سابق لیجنڈ کرکٹر وسیم اکرم جلد ہیکھیل اور فیشن شوز کے بعد فلمی کیریئر بھی شروع کریں گے۔ خبریں تھیں کہ وسیم اکرم جلد ہی مصالحہ فلم میں معروف اداکار فواد خان اور فیصل قریشی سمیت دیگر اداکاروں کے ساتھ جلوے دکھاتے نظر آئیں گے اور بعدازاں اس کی تصدیق بھی ہوگئی تھی۔ تاہم اب وسیم اکرم کی اہلیہ شنیرا اکرم نے بھی اپنی اور اپنے شوہر کی پہلی فلم کے حوالے سے تصدیق کرتے ہوئے بتایا ہے کہ انہیں ڈیبیو فلم کی شوٹنگ کے دوران کس قدر مشکلات کا سامنا رہا۔ کرکٹ کے بعد وسیم اکرم فلموں میں نام پیدا کرنے کو تیار؟ شنیرا اکرم نے انسٹاگرام پوسٹ میں بتایا کہ انہوں نے آنے والی مصالحہ فلم منی بیک گارنٹی کی شوٹنگ کے دوران کس قدر پریشانیوں کا سامنا کیا۔ اداکارہ نے شوٹنگ کے دوران کھچوائی گئی اپنی 2 تصاویر شیئر کرتے ہوئے شوٹنگ کے تجربات بیان کئے اور بتایا کہ کس طرح وہ گزشتہ 12 دن سے مکمل نیند نہیں کرسکیں۔ انہوں نے تھکاوٹ ‘ نیند کی کمی اور بھوک سمیت پیش آنے والے دیگرمسائل کا ذکر بھی کیا ساتھ ہی شنیرا اکرم نے بتایا کہ انہیں فیصل قریشی اور ان کی ٹیم کے ساتھ کام کرکے انتہائی اچھا لگا اور انہیں نئے تجربے کے دوران بہت کچھ سیکھنے کو بھی ملا۔ انسٹاگرام پر شنیرا اکرم نے اپنی 2 تصاویر بھی شیئر کیں جن میں انہیں فلم کی شوٹنگ کے سیٹ پر دیکھا جاسکتا ہے۔تاہم شنیرا اکرم نے فلم کی کہانی کے حوالے سے کوئی بات نہیں بتائی۔



خاص خبریں


Benazir

سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv