لاہور (مانیٹرنگ ڈیسک) کہنہ مشق صحافی معروف تجزیہ کار ضیا شاہد نے کہا ہے کہ بھارت نے آرمی چیف کے عہدے میں توسیع کے معاملے کو خوش اسلوبی سے حل کر لیا۔ بپن راوت مودی کا فیورٹ ہے۔ اس کے لئے بھارت نے یا عہدہ بنایا ہے اور جنرل راوت کو انڈین آرمی چیف آف ڈیفنس بنا دیا ہے اور اس کے ساتھ آرمی چیف کی مدت ملازمت بھی 62 سے65 سال کر دی ہے تا کہ 3 سالہ توسیع دی جا سکے۔ ہم نے جنرل قمر جاوید باجوہ کی مدت ملازمت کو متنازعہ بنایا اور خاص طور پر اپوزیشن نے اس پر سیاست کی اور معاملہ درمیان میں لٹکا ہوا ہے۔ ہم اس کے لئے کبھی پارلیمنٹ کبھی عدالت جانے کی باتیں کر رہے ہیں اور اس اہم قومی مسئلہ پر جو کچھ ہوا ہے اس سے ہماری جگ ہنسائی ہوئی اور بھارت کے حکمران، عوام اور میڈیا نے اس پر خوشیاں منائیں۔
